الفرق بين مشروعات وأعمال تحت التنفيذ

الفرق بين #مشروعات_تحت_التنفيذو #أعمال_تحت_التنفيذ

الفرق بين الحسابين دول هو النتيجة النهائية المطلوبة منهم ، لأن الحسابين بيشتركوا اننا بنقوم بتجهيز أصل ما ولكن هل يتم تجهيز الأصل للأستفادة منه داخل المنشأة وفي الحالة دي بنثبت القيود والمعالجات المحاسبية علي أنة #مشروع تحت التنفيذ ، ولا الغرض من أنشاء الأصل هو أعادة بيعة وفي الحالة دي نثبت القيود والمعالجات المحاسبية علي أنة #أعمال تحت التنفيذ

مشروعات تحت التنفيذ في النهاية هتتحول الي أصل ثابت ويتم أهلاكة وأعمال تحت التنفيذ هتتحول الي مخزون يتم تحميلة كتكلفة علي قائمة الدخل وقت أتمام عملية البيع وأثبات الأيراد

عشان مهم جداً نعرف نية الأدارة وتخطيطها في الأصل اللي بيتم أنشاءة لأن المعالجة المحاسبية لنهاية المشروع هي اللي هتختلف

القيود المحاسبية في حالة مشروعات تحت التنفيذ:

* في مراحل المشروع المختلفة:

من ح / مشروعات تحت التنفيذ

الي ح / موردين / مقاولين / النقدية

*وعند أكتمال المشروع

من ح / أصول ثابتة

الي ح / مشروعات تحت التنفيذ

القيود المحاسبية في حالة أعمال تحت التنفيذ:

** في مراحل المشروع المختلفة:

من ح / أعمال تحت التنفيذ

الي ح / موردين / مقاولين / النقدية

* وعند أكتمال المشروع

من ح / المخزون / التكلفة

الي ح / أعمال تحت التنفيذ