08 May
🔥المشكلة:
وأنت بتجهز القوائم المالية، ممكن تلاقي إن الميزانية مش متوازنة، يعني مجموع الأصول مش بيساوي مجموع الالتزامات وحقوق الملكية! وده بيكون موقف صعب لأي محاسب. طيب إيه الأسباب والحل؟
📌أسباب عدم توازن الميزانية:
1. عدم تسجيل قيود كاملة:
o ساعات بيتم تسجيل طرف واحد للقيد ونسيان الطرف التاني (زي تسجيل مشتريات بدون إثبات المورد)
2. أخطاء في الترصيد:
o عدم ترحيل الأرصدة الافتتاحية بشكل سليم.
o أخطاء في الترصيد بين الحسابات المختلفة.
3. أخطاء في تحويل العملات:
o لو عندك تعاملات بعملات أجنبية، ممكن يكون الفرق ناتج عن عدم استخدام سعر الصرف الصحيح.
4. عدم تسجيل قيود التسويات الجردية:
o زي الإهلاكات، المخصصات، الفوائد المستحقة، والإيرادات المؤجلة.
5. خطأ في تصنيف الحسابات:
o تسجيل أصل كالتزام أو العكس، زي تسجيل قرض كإيراد بدل ما يكون التزام.
📌إزاي تحل المشكلة؟
✅ مراجعة القيود المحاسبية بالكامل والتأكد من إن كل عملية مالية مسجلة بالطرفين (مدين ودائن)
✅ مراجعة الأرصدة الافتتاحية والمقارنات مع الفترات السابقة علشان تتأكد من عدم وجود اختلاف غير مبرر.
✅ التأكد من تسجيل فروق العملات بشكل صحيح لو عندك حسابات بعملات أجنبية.
✅ التحقق من ترحيل جميع قيود التسويات الجردية في نهاية الفترة المالية.
✅ مراجعة التقارير المحاسبية ببرنامج ERP أو الإكسيل للتأكد من صحة المعادلات المحاسبية.
💡 نصيحة: لو لقيت فرق في الميزانية، ابدأ بمراجعة الحسابات الكبيرة الأول زي النقدية، العملاء، الموردين، ثم المخصصات.
لو عجبك الموضوع قولي علشان أكمل مقالات تحل المشاكل اللي بتواجة المحاسب لما يجي يعمل قوائم مالية 🚀
𝓗𝓪𝓵𝓪𝓐𝓫𝓭𝓪𝓵𝓵𝓪𝓱
